Amig@s de Ubuntu e o Software Livre

de gnu-linux

Algumhas ferramentas do GNU e o kernel desenvolvido por Linus Torvalds em Agosto de 1991, era basicamente o conjunto do que constituia o Sistema Operativo. Posteriormente com mais achegas de colaboradores, foi-se desenvolvendo o kernel e mais ferramentas e aplicaçons que constituírom um Sistema Operativo, que desde distintos pontos do planeta, com diferentes achegas e complementaçons fórom distribuidas, é assim como nasce o conceito de distribuçom.

GNU-LINUX., é pura diversidade e cooperaçom, todo o contrário do software privativo, onde a competividade por acadar os cumes mais altos do mercado, promove umha actividade devoradora doutros projectos e empresas numha competividade criminal. O software livre e gnu-linux representan a diversidade, a comunidade e a cooperaçom; o desenvolvimento de projectos alimentam outros novos, numha cooperaçom constructiva, compartindo e promovendo a innovaçom, contribuindo com soluçons ao conjunto do software de código aberto e ao progreso da sociedade no seu conjunto dum jeito livre e igualitário, dentro da diversidade. GNU-LINUX, promove que o conhecimento pertençe à humanidade, para fezer o bem comum, sem nengum tipo de restrinçom.

Hoje em dia som numerossas a distribuçons que formam a comunidade internacional de GNU-LINUX a maioria delas multilíngües, há distribuçons de todo tipo, comerciais de empresas [RED HAT, MANDRIVA, SUSE, ...], de admistraçons públicas [MULINEX, GUADALINEX, LINEX, ...], de fundaçons [UBUNTU, ...], de universidades, de colectivos e asociaçons [DEBIAN, GENTOO, ...], de pessoas a nível particular [KURUMIN, KNOPPIX, ...], …, há distribuçons que colhem num disquete ou vários disquetes, as chamadas minidistros ou minimalistas [DSL, FRESCO, PUPPY LINUX, ... ], até distribuçons completas com miles de pacotes e com versons adaptadas a cada tipo de procesador ou computador [UTUTO, ...], e distribuçons tipo «live» que começou KNOPPIX e que hoje quase todas as distribuçons tenhem a sua versiom «live CD-R». Mesmo existem na actualidade várias distribuçons galegas [GENIX, TRISQUEL, GALINUX], das que daremos conta noutro momento.

Mas seguir falando das distribuçons de GNU-LINUX existentes hoje pode ser eterno, pois já devem ser miles as que existem. Isso é o que tem o código de fonte aberta, o software livre, que umha pessoa com certos conhecimentos de programaçom e a suficiente vontade e tempo, pode desenvolver a sua própria distribuçom, baseada noutra já existente e com os escritorios, programas, ferramentas e aplicaçons que existem baixo licença públicas livres, o resultado será um sistema operativo cum completo software listo para fazer funcionar qualquer computador, com os periféricos e hardware correspondente.

Há muitos sítios na rede onde podes atopar as distribuçons mais populares de GNU-LINUX, com a descripçom e categoria, plaformas que soportam, quem as desenvolve, línguas nas que está, sítio web, sítios desde onde se podem baixar. Desde aqui agora achegamos o endereço de Linux Online, mais adiante sinalaremos outros sítios na rede, desde onde se podem baixar as diferentes distribuçons de gnu-linux:
http://www.linux.org

Nós neste momento apostamos por Ubuntu, umha distribuçom completa e fácil de utilizar, da que falaremos neste Blog, longo e tendido.

Este Bolg pretende ser um sítio na rede de amigas e amigos de UBUNTU, umha distribuçom GNU-LINUX amigável, facil de utilizar e com umha filosofia que compartimos no fundamental. Mas também quere ser um Blog, feito na Galiza e em língua galega, funcional que ajude nos assuntos da informática e internet, e que facilite a migraçom de windows a gnu-linux, divulgando o projecto gnu-linux e o software livre entre a populaçom galega.

As pessoas ou entidades sem ánimo de lucro, das comarcas do noroeste galego, podem contar com nós, gratuitamente – de balde-, para ajudar-lhes a instalar gnu-linux nos seus computadores.

Por que Ubuntu ?

Pois, porque Ubuntu é um sistema operativo livre, é dizer, um conjunto de programas básicos e utilitários que fam funcionar o computador, de fonte inteiramente aberta, baseado na veterana distribuçom Debian e que usa o kernel Linux [núcleo do sistema operativo], e que ademais a maior parte das ferramentas deste sistema operativo procedem do projecto GNU; daí o nome GNU-LINUX.

Porque a comunidade Ubuntu está construída em torno dos ideais centrados na Filosofia Ubuntu que em síntese di que o software deve estar disponível livre de custos, as ferramentas do software devem ser usáveis por pessoas na sua própria língua apesar das dificuldades que conleva, que as pessoas devem ter a liberdade de executar, copiar, distribuir, estudar, compartilhar, alterar e melhorar seu software da maneira mais apropiada e como mais lhes convenham, respeitando o disposto na licença de GLP. Por estas razons:

Ubuntu, nom é só um sistema operativo livre, senom que também sempre será gratuito, e nom existe taxa adicional por umha «versom empresarial». O seu melhor trabalho está disponível para tod@s; Ubuntu inclui as melhores traduçons e infraestrutura de acessibilidade que a comunidade de software livre tem a oferecer, fazendo o Ubuntu utilizável polo maior número de pessoas possível; novas versons do Ubuntu som liberadas regularmente, umha nova versom sae cada seis meses; podes usar a versom estável ou de desenvolvimento, cada versom é suportada por, um mínimo, 18 meses; o Ubuntu está totalmente comprometido com os princípios de desenvolvimento do software livre, desde Ubuntu promove-se que @s usuári@s utilizem, melhorem e distribuía os programas, aplicaçons, … da comunidade do software Livre.

Ubuntu, nom é só um sistema operativo livre e cumha filosofia progresista e concorde com valores democráticos, de justiça e igualdade, senom que também é umha distribuçom moi útil e prática: de instalaçom gráfica, rápida e fácil; em poucos minutos podes estar utilizando o computador com todas as ferramentas e total seguridade; se queres podes formar parte da comunidade, contribuindo a melhorar a distribuçom, ajudando a traduzir, mas também tés a tua disposiçom lista de correios, soporte e o fórum, e algo moi importante, todo isto, como nom, em língua galego-portuguesa.

Instalaçom gráfica, rápida e fácil.-

O Ubuntu possui um instalador gráfico, rápido e moi fácil que somente te pregunta o essencial para a instalaçom, sem preguntas complicadas ou difíceis. A instalaçom está contida num único CD-R, e todos os demais programas que precises estám disponíveis online nos repositórios do projecto, para caso que precises, com as atualizaçons de segurança. Num computador comum, a instalaçom do Ubuntu nomo deve levar mais que uns poucos minutos, sempre dependendo da capacidade de banda que tenhas.

Fácil actualizaçom.-

Os updates do Ubuntu som suportados por internet, de versom para versom. Nom precisas reinstalar o sistema operativo quando já esteja lista umha nova versom, só precisarás atualizar a sua versom que tés instalada no computador, no momento que dejeses. Mas também podes baixar as novas versons quando ti quiser, e fazer cópias para distribuir entre as tuas amizades.

Começar a utilizar.-

Logo de completar a instalaçom do Ubuntu o teu sistema já está pronto para o seu uso. Terás umha completa suite de aplicativos para produtividade em escritório, programas e aplicaçons para internet, gráficas e de desenho, e também alguns jogos. Num único CD-R tés um desktop completo, com muitos aplicativos para escritório, casa e notebook instalados por defecto. Existem também milhares de pacotes e softwares adicionais que podes instalar clicando co rato, em moi poucos minutos.

A comunidade e a participaçom .-

Algo moi importante é que se pode interar com a comunidade, incluindo as pessoas que se dedicam a desenvolver o sistema, dota-lo de documentaçom, que traduzem a diferentes línguas do planeta, assim como solicitar suporte técnico aos membros da comunidade através das listas de discussões, IRC e Fórum.

Umha destribuçom para cada tipo de arquitectura.-

Ubuntu é um sistema operativo completo gnu-linux, de disposiçom livre sustentado por umha amplia comunidade de miles de pessoas, mais também por profesionais. A liberaçom última de Ubuntu suporta arquitecturas tipo do PC (Intel x86), 64-bit do PC (AMD64), do sol UltraSPARC e do T1 (fogo T1000 e T2000 do sol), do PowerPC (iBook de Apple, Powerbook, G4 e G5) e do OpenPower (Power5). Ubuntu inclui mais de 16.000 pacotes de software, mas os ajustes de desktop da instalaçom do núcleo num único CD-R.